Dis Da Weh Ah Bileev:
“Apostle’s Creed”
Ah bileev eena Gaad, di Almaiti Faada. Da hihn mek hevn ahn ert.
An Ah bileev eena wi Laad Jeezas Krais weh da Gaad oanli Son.
Da di Hoali Spirit weh mi mek di verjin Mayri
geh pregnant wid ahn, ahn baan ahn.
Sayka Ponchos Pailat, Gaad Son sofa ahn geh kroosifai an ih ded.
Afta dehn beri ahn, ih gaahn dong eena hel,
bot chree dayz afta dat, ih rayz op bak fahn di ded.
Ih gaan op eena hevn ahn sidong pahn di rait han said a Gaad di Almaiti Faada;
da fahn dehsoh ih wahn kohn kohn joj pipl weh livin ahn pipl weh ded.
Ai bileev eena di Hoali Spirit
ahn eena di hoali Kristyan cherch,
ahn eena how di Kristyan dehn kohn tugeda.
Ah bileev dat yu ku geh yu sinz fagiv
ahn dat yu badi wahn rayz op bak fahn di ded.
An Ah bileev eena laif weh wahn laas fareva.
Aymen.
---------------------------------------------------------
