Weh Wi Ga Fi Seh
The Belize Kriol Project has a weekly newspaper column in the Kriol language that appears in the Reporter newspaper and online at belmopancityonline.com in its Kriol column. Poems, stories, commentaries on local happenings, recipes, lifestyle information, games and much more appear on this column. Please link to
http://www.belmopancityonline.com/kriol-language.aspx
to see this article (note: pictures in the hard copy of the newspaper may not appear online). Below is one sample of a poem sent in by a reader, who is a teacher.
Rispek Yu Badi
bai Jacklyn Burns
Laas too weeks yu sleep wid Herbert
Tudeh da Jaymz di lif op yu skert
Yu mi ga wahn priti badi
Now evriting jos hengi-hengi.
Wen wahn man wisl aata yu,
Yu op ahn redi fi go.
Yu noh kay bowt yu ejikayshan.
Aal yu waahn da fi go frahn man to man.
Memba wen yu sleep wid Dan?
Yu geh da teribl ich
Afta ih kaal yu wahn lee bich.
Evribadi noa bowt yu “promiscuity”
Kaaz dehn bwai taak widowt piti.
Tami seh ih seks yu fu wahn frai chikin.
Jeroam seh ih had yu tap a wahn gyaabij bin.
Yong gyal, kloaz yu legz.
Noh oapn dehn fu Taam nar Greg.
Marid man geh hotel fu yoo ahn hihn
Di Baibl seh dat da wahn sin.
Albat gi yu moni afta wahn lee akshan.
Daalin – dat da prostitooshan.
Yu tink ih wot it?
Yong gyal, stap dis shit!
Yu noh si dehn bwai di yooz yu badi?
Dehn noh waahn goh owt wid yu stedi.
Oh…so ih seh ih lov yu now!
Den ih aks yu mek yu bow.
Ih pramis unu wahn mari…
Gyal, noh tel mi yu brayn soh sari.
Fiks yu bizniz now – yu yehr mi!
HIV papula now, yu noh si!
Laan fi rispek yu badi.
(first appeared in 2009)
